Zindagi Yahi Sikhaati Hai.....

Ankhon me liye, Sunehere sapne kal ke,
Aashaon se chamak rahi hai palken,
Pana hai jo chaha hai,Aage chalke,
Paake rahenge jo chaha hai , aage chalke.

Zindagi ne chalna sikhaya hai,
Girkar sambhalna sikhaya hai,
Paanewaali manzilon ka sapna dikhaya hai,
Unhe paane ke raston ko dikhaya hai.

Aage badna hai ya nahi, ye hai tumhare haath me,
Mushkilen chalengi sada, Tumhare saath me,
Haar na maan lena rahi, Zindagi ke safar me,
Chahe jeet ho ya haar,Manzilon ke dagar me.

Rahon me badna hai aage tumhe,
Liye saath me wo saare lamhe,
Jahan jeet hui thi tumare sapnon ki.
Yahi sikhati hai zindagi,
Aage badh jaa, Na darna kahin...
Zindagi tumhe raah dikhaaegi sahi.

Agar jeet gaye tum, Zindagi bi jeet jayegi,
Aur gaye haar agar tum, Zindagi phir tumhe naya rasta dikhlayegi.